2016 წლის ბოლომდე, მეჯინისწყლის დასახლებაში კიდევ ერთი საზოგადოებრივი ან/და მომსახურების ობიექტი ამოქმედება.
აჭარის ფინანსთა და ეკონომიკის სამინისტრომ პირობებიან აუქციონზე, ბათუმში, მეჯინისწყლის დასახლებაში მდებარე 1 897 კვ.მ არასასოფლო-სამეურნეო დანიშნულების მიწის ნაკვეთი გამოიტანა, რომლის საწყისი ღირებულება 85 ათასი დოლარია და მისი გასხვისება 12 ივნისისთვის ჩანიშნულ აუქციონზე იგეგმება.
აუქციონის პირობების მიხედვით, ინვესტორი ვალდებულია, ხელშეკრულების გაფორმებიდან 6 თვის ვადაში მშენებლობის ნებართვა მოიპოვოს და საკუთრებაში გადაცემული მიწის ნაკვეთზე მშენებლობის დაწყოს კიდეც.
ასევე, ხელშეკრულების გაფორმებიდან 18 თვის ვადაში საკუთრებაში გადაცემულ ქონებაზე საზოგადოებრივი ან/და მომსახურების ობიექტი მოწყოს და აამოქმედოს. პროექტის განხორციელება ინვესტორს მინიმუმ 0,8 მლნ ლარი დაუჯდება.
