ვისოლ ჯგუფი“ სუპერმარკეტ “სმარტისა” და “დანკინ დონატსის” რესტორნების ქსელს აფართოებს. კომპანიამ ამჯერად “სმარტი” და “დანკინ დონატსის” რესტორანი წყნეთში გახსნა.
ახალი მაღაზიის გახსნასტან დაკავშირებით, 28 მაისიდან 8 ივნისამდე ადგილობრივ მომხმარებელს „სმარტში“ ყველა პროდუქტზე 10%-იანი ფასდაკლება ელის, „დანკინ დონატსის“ პირველი ასი მომხმარებელი კი უფასო დონატს მიიღებს.
„ვისოლ ჯგუფის“ ახალ ობიექტებზე 70-მდე ადგილობრივი მოსახლე დასაქმდა.
„ვისოლ ჯგუფის“ შვილობილი კომპანიების ქსელის განვითარება ახალ ფაზაში შედის. წყნეთში “სმარტისა“ და „დანკინ დონატსის“ ობიექტები გამოირჩევა თავისი ერგონომიკით და თითოეული დეტალი მომხმარებელს კიდევ ერთხელ არწმუნებს, თუ რაოდენ მნიშვნელოვანია ჩვენთვის სიტყვა “ხარისხი”. მომსახურების ხარისხის სრულყოფისათვის „სმარტი“ წყნეთში 24 საათი იმუშავებს და ერთ სივრცეში განთავსებული სუპერმარკეტი პირველადი მოხმარების პროდუქტებით, მზა კერძებით, ყოველდღიურად ახალი ხორცით, პურ-ფუნთუშეულით, საკონდიტრო ნაწარმითა და ექსკლუზიური ევროპული პროდუქტებით, მსოფლიოში ცნობილ „დანკინ დონატსის“ ყავის პროდუქტებთან, ყოველდღიურად ახალი ინგრედიენტების გამოყენებით დამზადებულ და განსაკუთრებული გემოვნური თვისებებით გამორჩეულ სენდვიჩებთან და 28 სახეობის დონატებთან ერთად, მომხმარებელს ახალ ობიექტზე სტუმრობას სასიამოვნო გამოცდილებად უქცევს“, – აცხადებს „ვისოლ ჯგუფის“ პრეზიდენტი სოსო ფხაკაძე.
წყნეთის „დანკინ დონატსის“ რესტორანში ასევე განთავსდა „ვენდის“ კიდევ ერთი Frosty Corner-ი, სადაც სხვადასხვა არომატისა და ინგრედიენტების გამოყენებით შექმნილი 25-ზე მეტი სახეობის ნაყინი, შეიკები და ნაყინზე დამზადებული პროდუქტებია წარმოდგენილი.
„ვისოლ ჯგუფმა“ „სმარტის“ ქსელის განვითარება 2010 წელს დაიწყო. „სმარტის“ სუპერმარკეტები დღესდღეობით წარმატებით ფუნქციონირებს თბილისში, აღმაშენებლის ხეივნის მე-13 კილომეტრზე, რუსთაველის გამზირზე, ვაკეში, საბურთალოზე, ვაზისუბნის მეორე მიკრორაიონში, კახეთის გზატკეცილზე, ბათუმში, გუდაურში, ზუგდიდში, მარნეულში, ახალციხეში, გორში, ყვარელსა და ჩქაროსნული ავტომაგისტრალის გორის მონაკვეთზე.
„ვისოლ ჯგუფმა“ ამერიკული რესტორნების უმსხვილეს ოპერატორთან “დანკინ დონატსთან” ფრანჩაიზინგის ექსკლუზიურ ხელშეკრულებას ხელი 2014 წელს მოაწერა. წყნეთის ობიექტი „დანკინ დონატსის“ უკვე მეხუთე რესტორანია, რომელიც მოკლე დროში ყველასათვის საყვარელ თავშეყრის ადგილად იქცა. „ვისოლ ჯგუფი“ 2015 წლის ბოლომდე საქართველოში 15 „დანკინ დონატსის“ რესტორანს გახსნის და კიდევ 500-მდე ადამიანს დაასაქმებს.
