თბილისში ყავის გურმანთა კლუბი Paradise გაიხსნა. ყავის სავაჭრო ობიექტი ჭავჭავაძის 36-ში სუპერმარკეტ სმარტის მეორე სართულზე მდებარეობს.
Paradise უკრაინაში შექმნილი ბრენდია, რომელიც მსოფლიოს სხვადასხვა ქვეყნებიდან უმაღლესი ხარისხის ყავას აერთიანებს.
Paradise 15 წელია უკრაინის ბაზარზე წარმატებით საქმიანობს. საქართველო პირველი ქვეყანაა, სადაც მისი ფრანშაიზის სისტემით მოქმედი სავაჭრო ობიექტი გაიხსნა.
ამ დროისათვის ასორტიმენტში 20-მდე ქვეყნის 50-ზე მეტი სახეობის ყავის სახეობაა (არაბიკას, რობუსტას მარცვლები), მათ შორის სამხრეთ ამერიკული, აფრიკული, აზიური და სხვადასხვა ეგზოტიკური ქვეყნებიდან. ასორტიმენტში შედის ისეთი იშვიათი და მაღალი ხარისხის ყავის სახეობები, როგორიც არის – ეკვადორის გალაპაგოსი, ბლუ მაუნთაინი, კონა ჰავაი, კოპი ლიუვაკი, მოკო იემენი, ნეპალ ევერესტი (ორგანიკი). გურმანთა კლუბი Paradise -ში ყავის მარცვლების გარდა, აპარატში მოსამზადებელი ყავის, ასევე ჩამოსახმელი ყავის შეძენაა შესაძლებელი (ე.წ. Take Away).
გარდა ამისა, გურმანთა კლუბი Paradise მომხმარებელს ორიგინალური დიზაინის სასაჩუქრე პაკეტებს სთავაზობს.
“გურმანთა კლუბი Paradise 25 მაისს გაიხსნა და ვფიქრობთ, ყავის მოყვარულებში დიდი პოპულარობით ისარგებლებს, რადგანაც თბილისში ეს ბაზარი მზარდია, მაღალია კონკურენციაც, თუმცა ჩვენი კომპანიის მთავარი უპირატესობა მაღალი ხარისხი და გამორჩეული სასაჩუქრე ნაკრებებია. საქართველოში არის ხარისხიანი და ნამდვილი ყავის დეფიციტი, ჩვენი სასაჩუქრე ნაკრებები საუკეთესო საოფისე და ოჯახში მისატანი საჩუქარია.’’ – განაცხადა ,,Paradise საქართველოს’’ დირექტორმა ნათია ჩაჩუამ.
,,Paradise საქართველო’’ უახლოეს ფილიალში ახალი ფილიალების გახსნას და ქსელის გაფართოებას აპირებს, ასევე მოხდება უნიკალური ყავის სახეობებით მაღაზიის ასორტიმენტის გაზრდა.
