29 მაისს, საერთაშორისო სავაჭრო პალატა მე-9 საკონსულტაციო საბჭოს შეხვედრა შედგება, რომელიც სასტუმრო ”თბილისი მარიოტში” გაიმართება.
უკვე ცნობილია, რომ აღნიშნულ შეხვედრას საქართველოს პრეზიდენტი გიორგი მარგველაშვილი სპეციალური სტუმრის სტატუსით დაესწრება და საკონსულტაციო საბჭოს წევრებს სიტყვით მიმართავს.
შეხვედრა დაეთმობა შემდეგ საკითხებს: EBRD-ის, საერთაშორისო სავალუტო ფონდისა და ევროკავშირის დელეგაციის ხელძღვანელების პრეზენტაციებს. გარდა ამისა, საერთაშორისო სავაჭრო პალატის თავმჯდომარე ფადი ასლი და ”თიბისი ბანკის” სამეთვალყურეო საბჭოს თავმჯდომარე მამუკა ხაზარაძე ისაუბრებენ ბიზნეს კლიმატის შესახებ.
„პრეზიდენტი მარგველაშვილი აცნობიერებს ბიზნეს სექტორში არსებულ გამოწვევევებს და ყოველთვის მხარს უჭერს ჯანსაღ საინვესტიციო და ბიზნეს გარემოს ჩამოყალიბებას ქვეყანაში. შესაბამისად, საერთაშორისო სავაჭრო პალატისთვის დიდი პატივია, რომ პრეზიდენტი ესწრება საკონსულტაციო საბჭოს შეხვედრას“- განაცხადა საერთაშორისო სავაჭრო პალატის თავმჯდომარემ, ფადი ასლიმ.
საკონსულტაციო საბჭოს შეხვედრაზე, საერთაშორისო სავაჭრო პალატა წარადგენს ICCommerce-ის მეოთხე გამოცემას. კომპანია „ზედაზენის“ მხარდაჭერით, საკონსულტაციო საბჭოს შეხვედრის შემდეგ გაიმართება ოფიციალური მიღება, რომელსაც დაესწრება 150-ზე მეტი წევრი ორგანიზაციის წარმომადგენელი, პოლიტიკური პარტიის წევრი,
დიპლომატიური კორპუსის წარმომადგენლები და ICC-ის ახალგაზრდული პროექტის წევრები.
საკონსულტაციო საბჭო ერთადერთი და გამორჩეული ორგანოა საქართველოში ბიზნეს ორგანიზაციებს შორის, რომლის შემადგენლობაშიც შედის რვა ელჩი, სამი საერთაშორისო ფინანსური ინსტიტუტისა და ორი საერთაშორისო ორგანიზაციის თავმდჯომარეები. ბიზნესისთვის მნიშვნელოვანი საკითხების განხილვის შემდეგ დიპლომატები რეგულარულად კომუნიკაციას ახდენენ მთავრობასთან, რათა მაქსიმალური შედეგი იქნეს მიღწეული ბიზნესისა და საინვესტიციო გარემოს გაუმჯობესებისათვის.
საერთაშორისო სავაჭრო პალატა არის უმსხვილესი ბიზნეს ორგანიზაცია მსოფლიოში, რომელიც აერთიანებს 6.5 მილიონ ბიზნეს ორგანიზაციასა და 12,000 სავაჭრო პალატას. საერთაშორისო სავაჭრო პალატა რეგულარულად კონსულტაციებს გადის გლობალურ დონეზე ისეთ ორგანიზაციებთან, როგორიცაა: G8, G20, მსოფლიო ბანკი, WTO, WCO და UN. საქართველოში, საერთაშორისო სავაჭრო პალატა არის უმსხვილესი და ყველაზე გავლენიანი ბიზნეს ორგანიზაცია, რომელიც აერთიანებს 350-ზე მეტ კორპორატიულ წევრს, ახალგაზრდული პროექტის სტუდენტებს, 28 ბიზნეს და არასამთავრობო ორგანიზაციას.
