ეკონომიკისა და მდგრადი განვითარების მინისტრის გიორგი კვირიკაშვილის ინფორმაციით, საბანკო ზედამხედველობასთან დაკავშირებულ კანონპროექტზე კოალიციურ რეჟიმში მსჯელობა იყო. როგორც მთავრობის სხდომის დასრულების შემდეგ მან ჟურნალისტებთან განაცხადა, საკითხზე პოზიციიის დაფიქსირება დღეს პარლამენტის ბიუროს სხდომაზე მოხდება.
,,იყო კონსულტაციები როგორც ბიზნესთან, ასევე ბანკების წარმოამდგენლებთან. კოალიციურ რეჟიმშიც მიმდინარეობდა ამაზე მსჯელობა. დღეს, სავარაუდოდ, თვითონ პარლამენტში, ბიუროზე დაფიქსირდება ამის შესახებ პოზიცია“, - აღნიშნა მინისტრმა.
საბანკო ზედამხედველობასთან დაკავშირებული კანონპროექტი, ეროვნული ბანკიდან საბანკო ზედამხედველობის დეპარტამენტის გამოყოფას ითვალისწინებს, რასაც ექსპერტები ნეგატიურად აფასებენ.
