გავრცელებული ინფორმაციით, წელს Apple-ი ახალ iPhone -ს, გასული წლებისგან განსხვავებით, საკმაოდ ადრე წარმოადგენს. წინასწარი ინფორმაციით, ახალი მოდელის პრეზენტაცია აგვისტოში შედგება. აღნიშნულ ინფორმაციას ანალიტიკოსი მინ ჩი კუოც ადასტურებს. მინ ჩი კუო კომპანია KGI Seсurities-ში მუშაობს და „ჩაკბეჩილი ვაშლის“ კომპანიასთან მჭიდრო ურთიერთობა აქვს.
თუმცა iPhone 6S-ი აუცილებლად ახალ საოპერაციო სისტემაზე მომუშავე სმარტფონი იქნება და უკვე ცნობილია, რომ iPhone 6S-ის გამოშვებასთან ერთად iOS 9 სისტემის დანერგვაც მოხდება.
ახალი სმარტფონი, iPhone 6-ისა და iPhone 6 Plus-ის მსგავსად - 4,7 და 5,5 დიუმის ეკრანის მქონე იქნება . წინასწარი ინფორმაციით, წარმოებული iPhone 6S-ის 66%-ი 4,7 დიუმიანი, ხოლო 34%-ი კი 5,5 დიუმის ეკრანის მქონე იქნება.
