თურქეთში, ზღვაზე აგებული აეროპორტი გაიხსნა. აეროპორტი ორდუ-გირესუნი რეგულარული ფრენებისთვისაა განკუთვნილი. აეროპორტში პირველმა ავიალაინერმა სტამბულიდან 136 მგზავრი გადაიყვანა. აეროპორტი უნიკალურია იმით, რომ ის შუა ზღვაშია აგებული. ის პირველი ზღვაში აშენებული აეროპორტია თურქეთში, მერვე მსოფლიოში.
აღნიშნული მშენებლობა ქვეყანაში ყველაზე მასშტაბურ პროექტად იყო მიჩნეული. მისი მშენებლობა 2011 წელს დაიწყო და მისი მშენებლობისათვის 35 მლნ ტონა ქვა დაიხარჯა. პროექტი მთლიანობაში 360 მლნ თურქული ლირა (132,6 მლნ დოლარი) დაჯდა.
უკვე გადაწყვეტილია, რომ თურქეთი მეორე მსგავს აეროპორტს რიზა-ართვინში ააშენებს.
შეგახსენებთ, რომ ბოლო 12 წლის განმავლობაში თურქეთში აეროპორტების რაოდენობა 12-დან 53-მდე გაიზარდა. 2023 წლისთვის თურქეთის მთავრობას გადაწყვეტილი აქვს, რომ ყოველ 100 კმ-ზე თითო აეროპორტი იყოს განთავსებული.
