ბათუმში, კახაბრის დასახლებაში მაღალი დონის სასტუმროს კომპანია ”მეტრო ატლას ჯორჯია” ააშენებს. კომპანიამ აჭარის ფინანსთა და ეკონომიკის სამინისტროს მიერ გამოცხადებულ აუქციონში გაიმარჯვა და 1 მლნ 530 ათას დოლარად კახაბრის დასახლებაში მდებარე 25 000 კვ.მ არასასოფლო-სამეურნეო დანიშნულების მიწის ნაკვეთს პირობებიან აუქციონზე შეიძინა. ობიექტის საწყისი ღირებულება კი 1,5 მლნ დოლარს შეადგენდა.
აუქციონის პირობების მიხედვით, ”მეტრო ატლას ჯორჯია” ვალდებულია ვალდებულია ხელშეკრულების გაფორმებიდან 8 თვის განმავლობაში მინიმუმ 200 ნომერზე გათვლილი სასტუმროს მშენებლობა დაიწყოს და ტურისტული ობიექტი 60 თვის ვადაში ექსპლუატაციაში შეიყვანოს. პროექტი სასტუმრო ნომრების გარდა მოიცავს:საკონფერენციო დარბაზს, აპარტამენტებსა და სამორინეს.
პირობების მიხედვით, ინვესტორმა ობიექტის მშენებლობაში მინიმუმ 19 მლნ დოლარის ინვესტიცია უნდა განახორციელოს. სასტუმრო კომპლექსის ექსპლუატაციაში შესვლის შემდეგ, ობიექტზე 300 ადამიანის დასაქმება იგეგმება, საიდანაც 80%-ი საქართველოს მოქალაქე უნდა იყოს.
ინვესტორი ვალდებულია ასევე, რომ ხელშეკრულების გაფორმებიდან 60 თვის ვადაში, შესაბამის სამსახურებთან შეთანხმებით, საკუთრებაში გადაცემული უძრავი ქონების მიმდებარედ არსებული არხის უძრავი ქონების საკადასტრო საზღვრის გასწვრივ მდებარე ტერიტორიის კეთილმოწყობისათვის არანაკლებ 1 მილიონი აშშ. დოლარის ექვივალენტი ლარის ოდენობის ინვესტიციის განხორციელება. (აღნიშნული ნებართვის მიუღებლობის შემთხვევაში მყიდველი ვალდებულია საინვესტიციო მოცულობა გადაიტანოს ძირითად პროექტში და საინვესციტიო ვალდებულება გაზარდოს 20 000 000 აშშ. დოლარის ოდენობით, რის შემდეგაც გათავისუფლდება ზემოაღნიშნული ვალდებულებისგან.
აღსანიშნავია, რომ „მეტრო ატლას ჯორჯია“ დაფუძნებულია 2012 წელს და მისი კაპიტალი შეადგენს 30,000,000 ლარს. „მეტრო ატლას ჯორჯია“ არის საინვესტიციო კომპანია და 2016 წლის დასაწყისისათვის საინვესტიციო ბანკად გარდაქმნას გეგმავს, რაზეც მუშაობა უკვე დაწყებული აქვს.„მეტრო ატლას ჯორჯია“-მ განახორციელა პროექტი „მეტროსიტი“.
„მეტრო ატლას ჯორჯია“ და „მეტრო ავრასია ჯორჯია“ არიან პარტნიორი კომპანიები, ხოლო აღნიშნული ორივე კომპანიის მფლობელია სს „ავრასია თერმიალ მენეჯმენთ“ თურქეთში.
