მთავრობას ბიუჯეტის გადახედვაზე მუშაობა დაწყებული აქვს. ფინანსთა მინისტრის ნოდარ ხადურის განმარტებით, ადმინისტრაციული ხარჯები უკვე შემცირებულია.
"სამწუხაროდ, მიუხედავად იმისა, რომ რეგიონში ყველაზე მაღალი ეკონომიკური ზრდა გვექნება, ის ვერ იქნება 5%-ი. სამწუხაროდ, იქნება გაცილებით დაბალი, მაგრამ ამ მონაცემებიდან გამომდინარე, ჩვენ დაწყებული გვაქვს მუშაობა ბიუჯეტის გადახედვაზე. თუმცა, კიდევ ერთხელ უნდა ვთქვა, რომ ეს არ შეეხება, რაც მთავარია, სოციალურ პროექტებს. ასევე ჩვენ ვმუშაობთ იმისთვის, რათა ბიუჯეტი იყოს ფინანსური სტაბილურობის გარანტი და ეკონომიკური ზრდის ხელშემწყობი ფაქტორი", - აღნიშნა ქვეყნის მთავარმა ფინანსისტმა.
