ტურისტული კომპანია Georgian International-ი უკრანულ ავიაკომპანია „დარტთან“ თანამშრომლობით ბათუმის მიმართულებით 31 მაისიდან ფრენებს იწყებს. რეისები კიევის ჯულიანის სახელობის აეროპორტიდან შესრულდება.
Georgian International, Travel & Transport-ის ბილეთების რეალიზაცია უკვე დაიწყო. კომპანიის ინფორმაციით, პირველ ფრენებზე ბილეთები აქციის ფარგლებში გაიყიდება და 31 მაისისა და 5 ივნისის რეისებზე ბილეთის საწყისი ღირებულება 49.99 ევროდან იქნება.
ივნისში რეისები კვირაში 3-ჯერ: სამშაბათობით, პარასკეობით და კვირაობით განხორციელდება, ხოლო 15 ივლისიდან რეისები დამატებით ოთხშაბათობითაც შესრულდება.
კიევიდან ფრენა (უკრაინის დროით) 09:00 საათზე განხორციელდება და ტურისტი ბათუმის საერთაშორისო აეროპორტში (საქართველოს დროით) 12:15 საათზე შეძლებს ჩამოსვლას. ბათუმიდან კიევის მიმართულებით ფრენა საქართველოს დროით 14 საათზე შესრულდება. აღნიშნული განრიგი ტურისტებისათვი მაქსუმალური კომფორტის შესაქმნელად შედგა. სასტუმროებში განთავსებული სტუმრებისათვის ის განსაკუთრებით პრაქტიკულია და მოსახერხებელია.
აღსანიშნავია, რომ ბილეთის მინიმალური ფასი ერთი მიმართულებით 99 ევროდან, ხოლო ორი გზა 199 ევროდან დაიწყება. აღნიშნული ტარიფში ტაქსის მომსახურებასაც შედის.
ბილეთების დაჯავშნა და შეძენა შესაძლებელია სპეციალური ვებ-გვერდიდან www.adjaria.ge. ამავე ვებ-გვერდიდან დაინტერესებული პირები შეძლებენ მიიღონ ინფორმაცია აჭარის განთავსების ობიექტებისა და სხვა ტურისტული სერვისების შესახებ. დამატებითი ინფორმაციისათვის შეგიძლიათ დაუკავშირდეთ: ტელ: 551 487474, ელ-ფოსტა: groups@gi-travel.ge.
