საქართველოს ბავარიის სამეფო ოჯახის წინამძღვარი პრინცი ლუიპოლდ რუპერტ ჰაინრიხი, კომპანია “კასტელის” მოწვევით ოფიციალური ვიზიტით ეწვევა.
ვიზიტის ძირითად მიზანს ბავარიული სამეფო ლუდის ჩამოსხმის აღსანიშნავი ცერემონიალი წარმოადგენს, რომელიც ლუდსახარშში “კასტელი” 23 მაისს გაიმართება.
ვიზიტის ფარგლებში, დაგეგმილია შეხვედრები საქართველოს მთავრობის , დიპლომატიური კორპუსის და ბიზნეს წრეების წარმომადგენლებთან.
საუბარი შეეხება საქართველოს საინვესტიციო მიმზიდველობას და იმ კულტურულ- სავაჭრო- სოციალურ- პოლიტიკურ ურთიერთობებს, რომელიც საქართველოს და გერმანიას დიდი ხანია რაც აკავშირებს.
ლუდი, რომელიც, კომპანია “კასტელის” ბაზაზე საქართველოში გერმანულ - ქართული ინვესტიციით დამზადდება, გერმანული, კერძოდ, ბავარიული სამეფო ოჯახის საკუთრებას წარმოადგენს.
სამეფო ოჯახის წინამძღვარი, ბავარიის პრინცი, ლუიპოლდ რუპრეჰთ ჰაინრიხი (Luitpold Rupprecht Heinrich Prinz) საქართველოს ოფიციალური ვიზიტით, ამა წლის 23 მაისს ესტუმრება. სამეფო ოჯახი ლუდს მსოფლიოს მხოლოდ რამდენიმე ქვეყანაში, ბავარიის სამეფო სტანდარტებთან შესაბამისად და „ ბავარიული სიწმინდის კოდექსიის„ დაცვით მეთორმეტე საუკუნიდან აწარმოებენ.
„ბავარიული სიწმინდის კოდექსი“ მეთექვსმეტე საუკუნეში, კალტემბერგის სამეფო ლუდის მფლობელი ოჯახის წარმომადგენელმა, ჰერცოგმა უილიამ VI-მ შემოიღო, რომლის აღიარებით ლუდის მხარშველები პირობას დებდნენ, რომ ლუდის მოსახარშად მხოლოდ ნატურალურ და მაღალი ხარისხის ინგრედიენტებს გამოიყენებდნენ.
ლუდი კალტემბერგი, რომლის ხარშვის პატივი კომპანია „კასტელს„ ხანგრძლივი მოლაპარაკების შედეგად ერგო, განსაკუთრებული ინგრედიენტებისგან შედგება, რომელთა სელექციას კალტემბერგის კუთვნილ მრავალსაუკუნოვან ლუდსახარშში, განსაკუთრებული სიფრთხილით ეკიდებიან.
ხარშვის დაწყების ცერემონიალთან დაკავშირებით, საქართველოს, კალტენბერგის ქარხნის მთავარი მხარშავი ეწვევა. ის უშუალოდ გააკონტროლებს ყველა იმ რთულ და გრძელვადიან პროცედურას,რომელიც ბავარიული სამეფო ლუდის ხარშვასთან არის დაკავშირებული.
„ ჩვენ გავიარეთ გრძელვადიანი და საკმაოდ რთული პროცესი იმისათვის რომ მიგვეღწია შეთანხმებას კალტენბერგის წარომადგენლებთან, გარდა იმ მნიშვნელოვანი ინვესტიციისა, რომელსაც გერმანული მხარე საქართველოში ლუდის სწორი მოხმარების კულტურაში ჩადებს, სასიხარულოა ის ფაქტი, რომ მათ ჩვენი ქარხანაში მიმდინარე პროცესები აღიარეს ყველა იმ სტანდარტის შესაბამისად, რომელსაც მსოფლიოში ლუდის წარმოების ყველაზე მნიშვნელოვანი ქარტია, „ ბავარიული სიწმინდის კოდექსი ამყარებს.„ - განაცხადა კომპანია „კასტელის“ ხელმძღვანელმა თემურ ჭყონიამ.
ბავარიული სამეფო ლუდი „კალტემბერგი„ საქართველოს მთელ ტერიტორიაზე მაისის მეორე ნახევარში იქნება ხელმისაწვდომი. აღსანიშნავია ის ფაქტიც, რომ „კალტემბერგის“ საგანგებო ბრენდ ატრიბუტიკაზე, რომელიც ასევე გერმანიაში დამზადდება, ცნობილმა დიზაინერთა ჯუფმა იმუშავა.
