ეროვნული ბანკის პრეზიდენტი საშუალოვადიან პერიოდში ლარის კურსის მეტ გაუფასურებას არ ელის. გიორგი ქადაგიძემ ეროვნული ვალუტის გამყარების მიზეზებზე ისაუბრა და აღნიშნა, რომ ლარის კურსის გამყარება რამდენიმე ფაქტორს უკავშირდება. ქადაგიძის განმარტებით, ყველაზე მნიშვნელოვანი ფაქტორი არის ის, რომ არსებული გაუფასურება გავლენას ახდენს საგადამხდელო ბალანსზე. შესაბამისად, ხდება იმპორტის კორექტირება და ზეწოლა ვალუტის კურსზე მოხსნილია. ქადაგიძის თქმით, დამატებითი ფაქტორია ტურისტული სეზონი და სხვა ეკონომიკური აქტივობები.
