პრემიერ-მინისტრმა ირაკლი ღარიბაშვილიმა საქართველოში არსებული ბიზნესგარემო საქართველო-ავსტრიის ბიზნესფორუმზე შეაფასა და განაცხადა, რომ ქვეყანაში ბიზნესი დაცულია.
„ჩვენ გვაქვს დიდი პოტენციალი, ავსტრია არის ევროპის ჰაბი, შემიძლია იგივე გითხრათ საქართველოზე, ჩვენ ვართ დამაკავშირებელი ხიდი და ცენტრი, ჰაბი ევროპასა და აზიას შორის. საქართველოს აქვს გამორჩეული ადგილმდებარეობა, სტრატეგიულად მნიშვნელოვანი. ჩვენ გთავაზობთ ყველა ქვეყანას უნიკალურ ბიზნესგარემოს, საქართველოში ბიზნესი არის აბსულურტურად დაცული. ასევე, სასამართლო ხელისუფლების განმტკიცებისა და დამოუკიდებლობის მიმართულებით, ჩვენ არაერთი ნაბიჯი გადავდგით და ამაყად შეგვიძლია ვთქვათ რომ, დღეს სასამართლო არის დამოუკიდებელი მთავრობისგან, ეს არის ჩვენი ხელისუფლების ერთ-ერთი ყველაზე დიდი მიღწევა“ - განაცხადა პრემიერმა.
ამასთან, ღარიბაშვილის განცხადებით, რიგის სამიტამდე რამდენიმე დღით ადრე, საქართველიოში ავსტრიის ბიზნესის წარმოამდგენლებისა და პრეზიდენტის ვიზიტი ნათელი დემონსტრირებააა, რომ ავსტრია საქართველოს მხარს უჭერს.
ფორუმის ფარგლებში, სექტორული პრეზენტაციები გაიმართება საქართველოში არსებული საინვესტიციო კლიმატის და მიმდინარე ეკონომიკური პროექტების შესახებ, ასევე დაგეგმილია 168 ორმხრივი შეხვედრა ქართულ და ავსტრიულ კომპანიებს შორის. საქართველო-ავსტრიის ბიზნესფორუმს ესწრებიან ავსტრიის ეკონომიკური პალატის ვიცე პრეზიდენტი რიჩარდ შენცი, ავსტრიის სოფლის მეურნეობის მინისტრი ანდრე რუპრეჰპერი, ავსტრიის სავაჭრო მრჩეველი კონსტანტინ ბეკოსი, საქართველოს სოფლის მეურნეობის მინისტრი ოთარ დანელია, პრეზიდენტის მრჩეველი ეკონომიკურ საკითხებში გიორგი აბაშიშვილი, საინვესტიციო სააგენტოს ხელმძღვანელი გიორგი პერტაია.
