გიორგი კვირიკაშვილი დღეს ირანში სამუშაო ვიზიტს ასრულებს. საქართველოს ვიცე–პრემიერი და ეკონომიკის მინისტრი ირანის საგარეო საქმეთა და ნავთობის მინისტრებს შეხვდა. შეხვედრებზე საქართველო–ირანის საგარეო–ეკონომიკური ურთიერთობის საკითხები განიხილეს. კვირიკაშვილის განცხადებით, საქართველო მზად არის აქტიურად ითამაშრომლოს ირანის მხარესთან ტრანსპორტის, ენერგეტიკისა და სხვადასხვა სფეროებში. ვიზიტის დასასრულს დაგეგმილია შეხვედრები ირანის პირველ ვიცე–პრეზიდენტთანაც. ეკონომიკის მინისტრი მონაწილეობას მიიღებს საქართველოსა და ირანის თანამშრომლობის ერთობლივი კომისიის მეხუთე სხდომაში, რომელიც ურთიერთგაგების მემორანდუმზე ხელმოწერით დასრულდება.