2015 წლის ტურისტულ სეზონზე აჭარას რამდენიმე ახალი ტურისტული ობიექტები შეემატება. 18 მაისს ფუნქციონირება დაიწყო  ხუთვარსკვლავიანმა სასტუმროებო Hilton Batumi (247 ნომერი), უახლოეს პერიოდში გაიხსნება ასევე „Leogrand Hotel & Casino“ (180 ნომერი), „მარინა კოლიზეუმი“ (115 ნომერი), „კასტელო მარი“ (86 ნომერი), ”დრიმლენდ ოაზისი” (88 ახალი ნომერი).

„ზაფხულის სეზონისთვის ელიტური საცხოვრებელი კომპლექსი "Palm Apartments" 15-მდე აპარტამენტს შესთავაზებს ქალაქის სტუმრებს. მიმდინარე წელს უკვე გაიხსნა და ფუნქციონირებს მცირე და საშუალო ზომის განთავსების  ობიექტები,  სასტუმროები: „პორტო ფრანკო“, “როიალ ვენეცია“, „ძველი ქალაქი“, ჰოსტელები: „Batumi Sun Hostel“,  „ჰოლანდ ჰუკი“. ზაფხულის სეზონზე კიდევ არაერთი  მსგავსი ტიპის დაბალბიუჯეტიანი განთავსების ობიექტი გაიხსნება რეგიონში“, - აცხადებენ აჭარის ტურიზმის დეპარტამენტში.

აღსანიშნავია, რომ 2015 წელს აჭარის განთავსების ობიექტებს 819 სასტუმრო ნომერი შეემატება, რაც დამატებით 1700-მდე  განთავსების ადგილს მოიცავს.