ბათუმის საერთაშორისო აეროპორტში ფრენების რაოდენობა იზრდება. აჭარის ტურიზმის დეპარტამენტის ინფორმაციით, 2015 წლის სეზონზე დამატებითი ჩარტერული და რეგულარული ფრენები განხორციელდება პოლონეთიდან, ისრაელიდან და უკრაინიდან.
უწყებაში განმარტავენ, რომ დეპარტამენტმა პოლონეთში სარეკლამო კამპანიის ფარგლებში მოლაპარაკებები აწარმოა ერთ-ერთ უმსხვილეს პოლონურ ტურ-ოპერატორთან "Rainbow Tours"-თან (http://www.rainbowtours.pl/, რომლის შედეგადაც 2015 წლის სეზონისათვის კომპანია პოლონეთის სამი ქალაქიდან (ვარშავა,კატოვიცე,პოზნანი) ჩარტერულ ფრენების ფარგლებში მგზავრთა რაოდენობის 30%-ით გაზრდას ვარაუდობს.
აჭარის ტურიზმისა და კურორტების დეპარტამენტის მხარდაჭერით, ებრაული კომპანია ”Eshet Tours“-ი (http://www.eshet-tours.com/ ) ადგილობრივ ტურისტულ კომპანიებთან თანამშრომლობით კვლავ აგრძელებს საქართველოს, კერძოდ აჭარის ტურისტულ ბაზარზე ოპერირებას.
”2015 წლის სეზონის სიახლეს წარმოადგენს ისრაელიდან ახალი ავიაკომპანიის „AKRIA”-ს შემოსვლა, რომელიც თავის ჩარტერულ ფრენებს ასევე ბათუმის მიმართულებით კვირაში ერთხელ გეგმავს( http://www.arkia.com/”, აცხადებენ აჭარის ტურიზმის დეპარტამენტში.
