16- 17 მაისს სტუდენტური ბიზნეს აქსელერატორის Startup Nest-ის ფარგლებში პირველი კრეათონი ჩატარდება, რომელიც დაფინანსებულია საქართველოს ეკონომიკისა და მდგრადი განვითარების სამინისტროს სსიპ საქართველოს ინოვაციების და ტექნოლოგიების სააგენტოს საგრანტო კონკურსის მიერ.
სტუდენტური აქსელერატორის ფარგლებში, ორ დღიანი ღონისძიების,კრეთონის მიზანია აღმოაჩინოს ინოვაციური იდეები და ხელი შეუწყოს მათ სტარტაპ კომპანიებად ჩამოყალიბებას.
Startup Nest არის საქართველოს უნივერსიტეტის მიერ ინიცირებული არაკომერციული საგანმანათლებლო აქსელერაციისა და ინკუბაციის 2 თვიანი პროგრამა. პროგრამის პარტნიორების დახმარებით, როგორიც არის საქართველოს უნივერსიტეტი, საქართველოს ეკონომიკისა და მდგრადი განვითარების სამინისტროს სსიპ საქართველოს ინოვაციების და ტექნოლოგიების სააგენტო, ბორჯომი, ბილაინი, მეტრა დეველოპმენტი და UGGYM, ახალგაზრდებს აძლევს უნიკალურ საშუალებას შეიძინონ ბიზნესის განვითარებისათვის საჭირო უნარჩვევები და რესურსები.
პროგრამაში მონაწილეობისათვის სულ დარეგისტრირდა 260-მდე აპლიკაცია, საიდანაც შეირჩა 155 საუკეთესო მონაწილე. 16-17 მაისს კრეთონის შედეგაd სტუდენტები ჩამოყალიბდებიან გუნდებად, რის შედეგადაც 2 თვიან პროგრამაში მონაწილეობას მიიღებს საუკეთესო 10 გუნდი და მხოლოდ 1 გუნდი დაეუფლება საპრიზო 5000 ლარიან ფონდს, რომელიც 20 ივნისს ფინალურ შეჯიბრში გამოვლინდება.
