უკრაინიდან აჭარაში ტურისტების გადაყვანაზე ამიერიდან ავიაკომპანია Dniproavia -ც იზრუნებს, რომელიც 3 ივნისიდან ბათუმის მიმართულებას ფრენებს განაახლებს. უკრაინული მედიის ინფორმაციით, Dniproavia-ს ბათუმის მიმართულებით ფრენები დაბალი მოთხოვნის გამო ქონდა შეჩერებული და ზაფხულის ტურისტული სეზონის დაწყებასთან და შესაბამისად მგზავრთნაკადის ზრდასთან ერთად, ფრენების განახლების გადაწყვეტილება მიიღო.
უკვე ცნობილია, რომ Dniproavia ბათუმის საერთაშორისო აეროპორტში რეისებს ოდესიდან და დნეპროპეტროვსკიდან შეასრულებს. საწყის ეტაპზე რეისები კვირაში 1-ჯერ, ოთხშაბათობით შესრულდება. დნეპროპეტროვსკიდან რეისი, ადგილობრივი დროით 7:30 საათზე, ხოლო ოდესიდან 14:25 საათზე განხორციელდება.
.
