საქართველოს ეროვნული ბანკის პრეზიდენტის გიორგი ქადაგიძის განცხადებით, EBRD-ის ანგარიში დიდწილად ემთხვევა იმ პროგნოზებს, რომლებსაც ეროვნული ბანკი აკეთებდა.
"ევროპის განვითარებისა და რეკონსტრუქციის ბანკმა გამოქვეყნა ანგარიში, სადაც დეტალურად არის საუბარი რეგიონში მიმდინარე მოვლენებზე, მათ შორის საქართველოში მიმდინარე მოვლენებზე და იმ ზრდაზე, რომელსაც EBRD-ს აზრით ჩვენ მივაღწევთ წელს და მომავალ წელს. ჩვენთვის ეს სიახლე არ ყოფილა, იმ მკითხველისთვის, ვინც ეცნობა ეროვნული ბანკის მიერ გამოცემულ წლიურ ანგარიშებს და ინფლაციის მიმოხილვებს. ეს ანგარიში დიდწილად ემთხვევა იმ პროგნოზებს, რომლებსაც ჩვენ ვაკეთებთ", - განაცხადა ქადაგიძემ ევროპის რეკონსტრუქციისა და განვითარების ბანკის მიერ გამოქვეყნებული ანგარიშის კომენტირებისას,
შეგახსენებთ, EBRD-ის მიერ დღეს გამოქვეყნებული ანგარიშის თანახმად, 2015 წელს საქართველოში რეალური მშპ-ს ზრდა სავარაუდოდ, 2,3 პროცენტამდე შემცირდება.
როგორც"რეგიონული ეკონომიკური პერსპექტივების" ანგარიშშია აღნიშნული, 2015 წელს საქართველოში რეალური მშპ-ს ზრდა სავარაუდოდ, 2,3 პროცენტამდე შემცირდება, 2016 წელს კი - 2,6 პროცენტამდე. EBRD-ის იანვარში გაკეთებული პროგნოზის თანახმად, საქართველოს რეალური მშპ-ს ზრდის პროგნოზი 4,2% იყო.
ანგარიშის თანახმად, 2015 წელს სტაგნაციაა მოსალოდნელი 35 ქვეყანაში., 2016 წელს კი მხოლოდ 1,4%-იანი ზრდა.
"ევროზონაში მონეტარული შეზღუდვების შემსუბუქების წყალობით, ცენტრალურ და სამხრეთ-აღმოსავლეთ ევროპაში ეკონომიკური პერსპექტივები უფრო ოპტიმისტური ხდება, თუმცა რეგიონის აღმოსავლეთით განვითარება უარესდება რუსეთის გაზრდილი რეცესიის გამო", - ნათქვამია ანგარიშში.
