2015 წელს ქვეყნის მასშტაბით 30-მდე ახალი სასტუმრო გაიხსნება. ტურიზმის ეროვნული ადმინისტრაციის ინფორმაციით, აღნიშნული სასტუმროების გახსნა დაგეგმილია, როგორც თბილისში, ასევე რეგიონებში.
”შესაბამისად ქვეყანას შეემატება 1704 ახალი სასტუმროს ნომერი, მათგან 941 თბილისში და 763 რეგიონებში. ყველაზე მეტი სასტუმროს გახსნა დაგეგმილია თბილისში”, აცხადებენ ტურიზმის ეროვნულ ადმინისტრაციაში.
უწყების ინფორმაციითვე, წელს თბილისში დაგეგმილია ისეთი საერთაშორისო ბრენდის სასტუმროების გახსნა, როგორიცაა: Radisson Park inn-ი, Millenium hotel-ი, Rixos Tbilisi, Mercure და Hualing group-ის Hotels and preferences-ი.
ტურიზმის ეროვნული ადმინისტრაციის ინფორმაციითვე, ბათუმში სულ მალე სასტუმრო Hilton Garden Inn-ის გახსნა იგეგმება.
