Apple-მა შესაძლოა BlackBerry-ი იყიდოს. ინტერნეტის საშუალებით კვლავ გავრცელდა ინფორმაცია BlackBerry-ის შესაძლო გასხვისების შესახებ, რომელიც თავის მხრივ ბაზარზე პოზიციების დათმობითაა გამოწვეული. უცხოური პრესა კი BlackBerry-ს პოტენციურ მყიდველად Apple-ს ასახელებს.
როგორც ცნობილია, წლის დასაწყისში გავრცელდა ინფორმაცია, რომ BlackBerry-ს Samsung-ი ყიდულობდა. მაშინ პრესამ გარიგების ბიუჯეტი 7,5 მლრდ დოლარად შეაფასა, თუმცა საბოლო გარიგება ვერ შედგა.
აღსანიშნავია ისიც, რომ ბოლო პერიოდში BlackBerry-ის აქციები 6 %-ით გაძვირდა.
ხოლო Apple კანადური კომპანის შეძენით, რამდენიმე ფაქტორის გამო უნდა იყოს დაინტერესებული. მათ შორისაა ის, რომ BlackBerry-ის შეძენის შემთხვევაში ”ჩაკბეჩილი ვაშლის” იმპერია კორპორატიულ ბაზარზე საკმაოდ დაწინაურდება და პოზიციებს გაიმყარებს. ასევე BlackBerry-დან Apple-ი მსოფლიოს მასშტაბით მიიღებს 44 ათას პატენტს, მათ შორისაა პროგრამული უზრუნველყოფის მიმართულებებიც.
