11 მაისიდან ერთი წლის განმავლობაში მეწარმეობის განვითარების სააგენტოს შესაძლებლობა ეძლევა გამოიყენოს მსოფლიოში წამყვანი საერთაშორისო კვლევითი ორგანიზაცია “Euromonitor”-ის მონაცემთა ბაზები.
ორგანიზაცია “Euromonitor” ფარავს 85-მდე ქვეყნის ბაზარს, რომლის საქმიანობის სფეროსაც სამომხმარებლო პროდუქციასთან დაკავშირებული სტრატეგიული კვლევების ჩატარება და მონაცემთა დამუშავების შემდგომ, შედეგების სათანადო კომპანიებისთვის გაცნობა და მიწოდება წარმოადგენს. “Euromonitor”-ის კვლევები ანალიზის სპეციფიკიდან გამომდინარე მომხმარებელს საშუალებას აძლევს მიიღოს სიღრმისეული და კონკრეტული ინფორმაცია უცხო ქვეყნების სამომხმარებლო ბაზრებსა თუ სექტორებზე და შესაბამისად, ხელი შეუწყოს საექსპორტო პროდუქციის ეფექტურად რეალიზაციას.
ეკონომიკისა და მდგრადი განვითარების სამინისტროს სსიპ "მეწარმეობის განვითარების სააგენტოს" საქმიანობის მიმართულებების გათვალისწინებით, ჩვენი უწყება მაქსიმალურად ამომწურავად გამოიყენებს მოპოვებულ შესაძლებლოობას და ინფორმაციის ნაკადს ქართული ექსპორტიორი კომპანიებისთვის ქმედითუნარიანი მხარდაჭერის აღმოსაჩენად მიმართავს, უცხო ქვეყნებში მათი საქმიანობის დაგეგმვისა და მართვის თვალსაზრისით.
აღსანიშნავია, რომ “Euromonitor”-ის სერვისი ითვალისწინებს მომხმარებლისთვის არა მხოლოდ ერთჯერადი კვლევითი მოხსენების მიწოდებას გულისხმობს, არამედ ანალიტიკურ ელექტრონულ ქსელზე წვდომის გახსნასაც მოიაზრებს. კომპანიის სერვისის აღნიშნული უპირატესობიდან გამომდინარე სააგენტოს საშუალება ექნება მიიღოს მუდმივად განახლებადი და საჭირო ინფორმაცია.
