აჭარის ტურისტულ პოტენციალს ლიტვის ტურისტული ბიზნესის წარმომადგენლები ეცნობიან. 6 ტურისტული კომპანიის წარმომადგენლები უკვე აჭარაში იმყოფებიან და 14 მაისს 10 საათზე სასტუმრო „დივანში“ ადგილობრივი ტურისტული კომპანიების წარმომადგენლებს შეხვდებიან. აღსანიშმავია, რომ აღნიშნული კომპანიებიდან აჭარის მიმართულებაზე რამდენიმე მათგანი უკვე მუშაობს და სამომავლოდ გეგმავს ახალი ტურ-პაკეტების შექმნას.
აჭარის ტურიზმის დეპარტამენტში აღნიშნავენ, რომ ლიტვა ერთ-ერთი ახალი სამიზნე ბაზარია, სადაც 6 აპრილიდან 14 ივნისამდე სამ ქალაქში (ვილნიუსი, კლაიპედა და კაუნასი), აჭარა-ბათუმის სხვადასხვა ფორმატის ფოტოები ცენტრალურ ადგილებშია განთავსებული. ლიტვის ტურისტულ ბაზარზე მუშაობა ვილნიუსიდან საქართველოს მიმართულებით დანიშნული რეგულარული ფრენების შემდეგ დაიწყო. გასულ წელს ევროპიდან შემოსულ ტურისტებს შორის განსაკუთრებული სიმრავლით ლიტველი ტურისტები გამოირჩეოდნენ.
