მთავრობა დამტკიცებულია, საქართველოს პარლამენტმა მინისტრთა ახალ კაბინეტს ნდობა გამოუცხადა. მთავრობას მხარი 87 დეპუტატმა დაუჭირა, წინააღმდეგი კი 38 დეპუტატი იყო. როგორც ცნობილია, მთავრობაში 7 მინისტრის ცვლილების შემდეგ, კონსტიტუციის მიხედვით, მთავრობა პარლამენტის წინაშე დასამტკიცებლად უნდა წარმდგარიყო.
განახლებულ მინისტრთა კაბინეტში სამი ახალი მინისტრია. თავდაცვის სამინისტრო თინა ხიდაშელი უხელმძღვანელებს, სპორტის და ახალგაზრდობის სამინისტროს - ტარიელ ხეჩიკაშვილი, ხოლო გარემოს დაცვის სამინისტროს კი - გიგლა აგულაშვილი.
