მსოფლიოში საკონდიტრო ნაწარმის ერთ-ერთმა მსხვილმა მწარმოებელმა, კომოპანია Nestle-მ შესაძლოა კომპანია Roshen-ი შეიძინოს, რომელიც უკრაინის პრეზიდენტის პეტრო პოროშენკოს საკუთრებაა. საუბარია 1 მლრდ დოლარის ღირებულების გარიგებაზე.
აღსანიშნავია, რომ ეს თანხა 3-ჯერ ნაკლებია Roshen-ის ღირებულებაზე. თუმცა უნდა ითქვას ისიც, რომ სხვა რეალური დაინტერესებული ინვესტორი, რომელსაც Roshen-ის შეძენა სურს, ამ დრომდე არ გამოჩენილა.
ადრე პეტრო პოროშენკო აცხადებდა, რომ კომპანიას აუცილებლად გაყიდდა, თუმცა ეს მოხდებოდა მაშინ, როდესაც უკრაინაში ინვესტორები დაბრუნდებოდნენ.
პეტრო პოროშენკოს გადაწყვეტილებაზე Roshen-ის გასხვისებაზე კომპანია Rothschild-ი ზრუნავს და თავად პრეზიდენტი აღნიშნულ საქმიანობაში არ ერევა.
