კომპანია Western Union-მა შესაძლოა საკუთარი კონკურენტი MoneyGram International Inc-ი იყიდოს. უცხოური მედია წერს, რომ მხარეებს შორის მოლაპარაკებები დაწყების სტადიაშია და ამიტომ საბოლოო შედეგი ჯერ ცნობილი არ არის.
MoneyGram-ის საბაზრო ღირებულება 415 მლნ დოლარადაა შეფასებული, ხოლო ვალდებულებები 960 მლნ დოლარად.
2015 წლის პირველ კვარტალში კომპანიის ზარალმა 72 მლნ დოლარი შეადგინა, ხოლო მოგებამ 39 მლნ დოლარი.
რაც შეეხება Western Union-ის კაპიტალიზაციას ის 11 მლრდ დოლარს აჭარბებს.
ამ დროისათვის MoneyGram-ის მფლობელი კომპანია Thomas H. Lee Partners-ი და Goldman Sachs-ის საბანკო ჯგუფია. მათ კომპანია 2008 წელს 1,65 მლრდ დოლარად შეიძინა.
