ეკონომიკისა და მდგრადი განვითარების მინისტრმა, ვიცე-პრემიერმა გიორგი კვირიკაშვილმა ეროვნული ვალუტის კურსის ვარდნის შესახებ კიდევ ერთი კომენტარი გააკეთა და აღნიშნა, რომ ლარის დევალვაცია ძალიან ცუდია, თუმცა ის უმეტესწილად რეგიონში მიმდინარე მოვლენებითა და არსებული პრობლემებითაა გამოწვეული.
„ასევე მოქმედებს ნავთობის ფასთან დაკავშირებული მდგომარეობა. რათქმაუნდა, არის ძალიან მცირე კომპონენტი, ნამდვილად ძალიან მცირე -რაც შეიძლებოდა გაკეთებულ იყო და ვერ გაკეთდა, ასეთი რამ ყოველთვის არსებობსხოლმე. ჩვენ მაქსიმალურად უნდა შევეცადოთ, რომ ერთდროულად ბევრი რამ გავაკეთოთ იმისთვის, რათა ამ გამოწვევებს ვუპასუხოთ. ყველა ამ მიმართულებით ძალიან ეფექტურად ვახორციელებთ იმას, რაც უნდა გავაკეთოთ, ჩვენს ხელთარსებულ ყველა ინსტრუმენტს ვიყენებთ. რაც შეეხება ინვესტიციებს -2014 წელს 2013-თან შედარებით 31%-იანი მატება იყო. წელს ამის შეფასება ჯერჯერობით რთულია, თუმცა, წინასწარი მონაცემებით შეიძლება ითქვას, რომ დინამიკა ძალიან დადებითია.“ - აღნიშნა კვირიკაშვილმა.
