ეკონომიკისა და მდგრადი განვითარების მინისტრმა პარლამენტში სიტყვბის გამოსვლისას წყალტუბოს სპა კურორტის რეაბილიტაციისა და განვითარების პროექტზე ისაუბრა და აღნიშნა, რომ წყალტუბოს სპა კურორტის რეაბილიტაციისა და განვითარების მიზნით უკვე დასრულებულია ავსტრიული კომპანია “Kohl&Partners”-თან კურორტის ზონირება და კვლევა.
”ამჟამად მიმდინარეობს საპარტნიორო ფონდთან ერთად ფარნგული კომპანია „ვიში“-ს მეშვეობით წყალტუბოს კურორტის, მისი წყლის საერთაშორისო სერტიფიცირება. ჩვენ ყველას მოგვეხსენება, რომ ესაა წლებით გამოცდილი, ძალიან მნიშვნელოვანი კურორტი, თუმცა, დღემდე საერთაშორისო, დოკუმენტურად დადასტურებული კვლევები ამ მიმართულებით არ განხორციელებულა. სწორედ ამიტომ უმაღლესი რეპუტაციის მქონე კომპანია დღეს ახორციელებს კვლევას, რათა ეს დოკუმენტურად იქნას დადასტურებული. ეს რამდენჯერმე გაზრდის ამ პროექტის კაპიტალიზაციას. ამ კურორტზე იგეგმება რამდენიმე ძალიან მსხვილი ინვესტიცია, ათეულობით მილიონი დოლარის ინვესტიციაზეა საუბარი, ჩვენ უკვე კონკრეტულ ინვესტორებთან ვაწარმოებთ მოლაპარაკებებს”, - აღნიშნა კვირიკაშვილმა.
