2015 წლის 5 მაისს ბრიტანულ-ქართული სავაჭრო პალატისა და კომპანია ფაბლისითი ჯგუფს შორის თანამშრომლობის მემორანდუმი გაფორმდა და კომპანია ფაბლისითი ჯგუფი პალატის ოფიციალური წევრი გახდა.
ახალი თანამშრომლობის მთავარი მიზანია, საქართველოს როგორც საინვესტიციო შესაძლებლობების მქონე ქვეყნის პოპულარიზაცია, ქართულ და ბრიტანულ ბიზნესებს შორის კავშირის გაღრმავება და პროფესიული განათლების შესაძლებლობების გაერთიანებული სამეფოს დონეზე გაზრდა, ასევე საქართველოში დაგეგმილი სხვადსხვა პროექტების ხელშწყობა და პოპულარიზაცია.
მომავალ გეგმებზე და დაგეგმილ პროექტებზე ისაუბრეს მხარეებმა სამუშაო შეხვედრისას, სადაც ასევე გადაწყდა, რომ ფაბლისითი ჯგუფი პარტნიორობას გაუწევს პალატის ახალ პროექტს: „გაიზიარე ბრიტანეთის გამოცდილება“, რომელიც დიდი ბრიტანეთის წამყვანი სასწავლო დაწესებულებების და პროფესიული განათლების/გადამზადების ცენტრების ერთობლივი ძალისხმევით ხორციელდება. პროექტი საქართველოში უკვე მიმდინარე წლის გაზაფხულის მიწურულს შევა აქტიურ ფაზაში.
„ჩვენთვის ძალიან სასიხარულია, რომ ახალ პროექტს პროფესიონალთა გუნდთან ერთად ვიწყებთ. იმედი გვაქვს, არა მხოლოდ ახალი პროექტი „გაიზიარე ბრიტანული გამოცდილება“, არამედ ბრიტანულ-ქართული სავაჭრო პალატის სხვა პროექტიც სწორედ ფაბლისითი ჯგუფთან მჭიდრო თანამშრომლობით განხორციელდება ბრიტანეთსა და საქართველოში“. - განაცხადა შეხვედრაზე პროეტის დირექტორმა ეკატერინე გეგიამ.
