საფინანსო საბიუჯეტო კომიტეტის თავმჯდომარე თამაზ მეჭიაური მიიჩნევს, რომ გარეშე და შიდა ფაქტორების მიხედვით ლარი უნდა მყარდებოდეს. საპარლამენტო უმრავლესობის წევრი მიიჩნევს, რომ საქართველოს ეროვნული ვალუტის გაუფასურება ეროვნული ბანკის არასწორი მუშაობის ბრალია.
„გარეშე და შიდა ფაქტორების გათვალისწინებით, მე ვფიქრობ, რომ ლარის კურსი არ უნდა ეცემოდეს. ის უნდა მყარდებოდეს. თუ არადა იმ ნიშნულს ზემოთ არ უნდა ადიოდეს რაც იყო წინა დღეებში. ნიშნულის ცვლილებაში ეროვნული ბანკი არ რეაგირებდა. აქედან გამომდინარე, კი არის კითხვები რა თქმა უნდა", - აცხადებს მმართველი კოალიციის წევრი.
დღესვე ცნობილი გახდა, რომ საპარლამენტო უმრავლესობის ინიციატივა, პარლამენტში ეკონომიკური გუნდის წარმომადგენლებისთვის კიდევ ერთხელ მოესმინათ, შეიცვალა და გაურკვეველი ვადით გადაიდო.
