სახელმწიფო საწარმოების მართვის რეფორმირების მთავარი მიზანი სახელმწიფო საწარმოების ეფექტურად მუშაობაა. ამის შესახებ "ჯი-ეიჩ-ენს~ ეკონომიკის მინისტრმა ზურაბ პოლოლიკაშვილმა განუცხადა.
მისი თქმით, შესაძლოა, რამდენიმე საწარმოში ამ მიზნით მენეჯმენტიც ჩანაცვლდეს, ამასთან, არამომგებიანი საწარმოების ლიკვიდაცია და შემდეგ პრივატიზება მოხდეს.
თუმცა, როგორ მინისტრი აღნიშნავს, ეს გრძელვადიანი პროცესია და შესაბამისად, სპეციალური სტრატეგია შემუშავდება.
ეკონომიკის სამინისტროში მიიჩნევენ, რომ თუ რომელიმე სახელმწიფო საწარმო რეალურად წამგებიანია, უნდა გაკოტრდეს. ამასთან, სახელმწიფო კომპანიებმა ფინანსური დოკუმენტაცია უნდა მოაწესრიგონ.
რეფორმის განსახორციელბლად, შესაძლოა, საწარმოთა მართვის სააგენტოს რესურსები საკმარისი არ აღმოჩნდეს და მას დამატებითი ჯგუფების ჩამოყალიბება მოუწიოს.
საწარმოების საპრივატიზებოდ მომზადების, სალიკვიდაციო და გაკოტრების რეჟიმში გადაყვანის მიზნით, ამჟამად ცალკეულ სახწლმწიფო კომპანიებში პრობლემების გამომწვევი მიზეზების შესწავლა მიმდინარეობს.
~ძალიან მნიშვნელოვანია უფუნქციო საწარმოების საკუთრებაში არსებული შენობა-ნაგებობებისა და მიწის ნაკვეთების აღრიცხვა და პრივატიზება, რაც ბიუჯეტს დამატებით შემოსავალს მოუტანს~, - აცხადებენ სამინისტროში.
ამჟამად ლიკვიდაციის პროცესში 40 სახელმწიფო საწარმოა, 49 კი, სალიკვიდაციოდაა მომზადებული; 102 საწარმო გამსხვილდა, 11-ის საწარმოს გაერთიანების საკითხი განიხილება, გატორების რეჟიმში კი 16 საწარმოა გადასული.
სახელმწიფო საკუთარებაში სულ 1 400-ზე მეტი საწარმოა. კონტროლის პალატის დასკვნის შედეგად დადგინდა, რომ 500-ზე მეტ მათგანზე საწარმოთა მართვის სააგენტოს ინფორმაცია საერთოდ არ გააჩნია.
