თბილისში ევროპის საინვესტიციო ბანკის სამხრეთ კავკასიის რეგიონული წარმომადგენლობა იხსნება. გახსნის ცერემონია, 30 აპრილს 11:30 სასტუმრო ”რადისონში” შედგება და ცერემონიას დაესწრებიან ევროპის საინვესტიციო ბანკის ვიცე–პრეზიდენტი ვილჰელმ მოლტერერი, საქართველოს პრემიერ მინისტრი ირაკლი ღარიბაშვილი და ევროკავშირის ელჩი იანოშ ჰერმანი.
ასევე ევროპის საინვესტიციო ბანკსა და საქართველოს ბანკს შორის სასესხო ხელშეკრულება გაფორმდება. ხელმოწერის ცერემონია, 30 აპრილს 13:00 სასტუმრო ”რადისონში” მოხდება და სესხი გამიზნულია მცირე და საშუალო ბიზნესის მხარდაჭერისათვის
