კომპანია Nokia უარყოფს ჩინური მედიის მიერ გავრცელებულ ინფორმაციას, თითქოს და კომპანია სმარტფონების ბაზარზე 2016 წლიდან დაბრუნდებოდა. როგორც კომპანიის მიერ გავრცელებულ პრესრელიზშია აღნიშნული, უკვე გაჟღერებული ინფორმაცია სიმართლეს არ შეესაბამება. კომპანიის მენეჯმენტი აცხადებს, რომ ამ ეტაპზე ტელეფონების წარმოების სურვილი არ აქვს.
თუმცა იმავდროულად Nokia-ში არ გამორიცხავენ, რომ სამომავლოდ სმარტფონების ბაზარზე, პარტნიორთან ერთად საკუთარი ბრენდის ლიცენზირების გზით, მართლაც დაბრუნდნენ
აღსანიშნავია, რომ ჩინური მედია წინა კვირაში წერდა, რომ კომპანია Nokia, რომელმაც ”მობილური” ბიზნესი 2013 წელს Microsoft-ს 5,4 მლრდ ევროდ მიყიდა, შესაძლოა ბაზარზე ისევ დაბრუნდეს. Re/code სანდო წყაროზე დაყრდნობით წერდა, რომ Nokia Technologies-ი ”საიდუმლო პროექტზე” მუშაობს და უკვე 2016 წლიდან Nokia ფანებს გაახარებს. პროექტის წარმატებით განხორციელების შემთხვევაში კომპანია მისი წარმოებისა და რეალიზაციის ლიცენზიის მოპოვებაზეც იზრუნებს.
როგორც ანალიტიკოსები ამბობენ, Nokia-ს ძველი დიდების დაბრუნება გაუჭირდება, თუ კი ერთ დროს ფინური მწარმობელეი ნომერ პირველად ითვლებოდა, დღეს მისი ადგილი Apple-მა და Samsung-მა ”დაისაკუთრეს”.
