”ჯიპიაი ჰოლდინგი” ოქროს ბრენდის დაჯილდოების ცერემონიაზე ორი ჯილდოს მფლობელი გახდა. 2014 წლის რჩეული ბრენდის ტიტულის გარდა კომპანიას სპეციალური პრიზი გადაეცა „დაზღვევის განვითარებაში შეტანილი წვლილისთვის“.
ოქროს ბრენდის რიგით მეათე ოფიციალური ცერემონია „რადისონ ბლუ ივერიაში“ Gლობალ Iდეა-ს, გაზეთ FINANCIAL -ის, საქართველოს სავაჭრო-სამრეწველო პალატისა და ამერიკის სავაჭრო პალატის მხარდაჭერით 24 აპრილს გაიმართა.
„ჯიპიაი ჰოლდინგი“ რჩეული სადაზღვევო კომპანია მეხუთედ გახდა. ამასთან დაკავშირებით კომპანიამ სხვა გამარჯვებულებს შორის თერთმეტ საკუთარ კლიენტ კომპანიას, სპეციალური პრიზები გადასცა „ოქროს პარტნიორობისთვის“.
ოქროს ბრენდის ჯილდოს მფლობელები ხდებიან კომპანიები, რომლებმაც გასულ წელს საქმიანობაში განსაკუთრებულ წარმატებას მიაღწიეს. ბრენდის პოპულარობა კვლევის საფუძველზე ვლინდება.
200-მდე ექსპერტი აფასებს ბრენდის ან სავაჭრო ნიშნის ცნობადობას და მისი პოპულარიზაციისთვის განხორციელებულ პროექტებს. გამოკითხვის შედეგები კი საქართველოს სავაჭრო პალატის, ამერიკის სავაჭრო პალატის, კომპანია Global Idea-სი და გაზეთ FINANCIAL წარმომადგენელთა მიერ გამოკითხულ ექსპერტთა ხმათა დათვლით ჯამდება.
”ჩვენთვის განსაკუთრებით მნიშვნელოვანია სპეციალური პრიზი, რომელიც დაზღვევის განვითარებაში შეტანილი წვლილისთვის გადმოგვეცა. ორმაგად სასიხარულოა, რომ ექსპერტებმა აღნიშნეს, ის ფაქტი რომ როგორც წამყვანი კომპანია ბაზარზე „ჯიპიაი ჰოლდინგი“ არა მხოლოდ საკუთარი პროდუქტის შესახებ საუბრობს, არამედ ჩვენ ვცდილობთ დაზღვევის საჭიროებაც დავანახოთ საზოგადოებას. მსოფლიო გამოცდილების მიხედვით, რაც უფრო მაღალია ეკონომიკის განვითარების დონე, მით მაღალია დაზღვევის მოხმარება და დარწმუნებული ვართ, რომ ჩვენი ძალისხმევით უფრო მეტი ადამიანი დაინახავს დაზღვევის აუცილებლობას და შესაბამისად უფრო მომზადებულები შეხვდებიან გაუთვალსიწინებელ მოვლენებს ცხოვრებაში თუ ბიზნესში”, აცხადებს ”ჯიპიაი ჰოლდინგის” გენერალური დირექტორი პაატა ლომაძე.
შეგახსენებთ, რომ ”ჯიპიაი ჰოლდინგი” საქართველოს ბაზრის წამყვანი სადაზღვევო კომპანიაა და 2014 წლის მონაცემებით ბაზრის 26% ფლობს. კომპანია ლიდერია დაზღვევის ისეთ მიმართულებებში, როგორიცაა ჯანრმთელობის, ავტო და საპენსიო დაზღვევა. ”ჯიპიაი ჰოლდინგი” ევროპის ერთ-ერთი უმსხვილესი სადაზღვევო კომპანიის - ”ვენის სადაზღვევო ჯგუფის” წევრია.
