ნუ გაგიკვირდებათ, თუ გაზის სისტემა თბილისში და არა მარტო თბილისში და ელექტროგამანაწილებელი თუ მაგენერირებელი სისტემა საქართველოში, ისევე როგორც სომხეთში, მთლიანად აღმოჩნდეს რუსეთის ხელში, - -განაცხადა ეკონომიკური განვითარების ცენტრის ხელმძღვანელმა, რომან გოცირიძემ ტელეკომპანია რუსთავი 2-ის ეთერში.
მისი შეფასებით, რადგან უკვე საუბარი იყო იმაზე, რომ ენერგო-პრო იყიდება, ეს იმას ნიშნავს, რომ ენერგეტიკული ობიექტები წამგებიანი გახდა, თუ რაღაც ფორმით მათ სახელმწიფო არ დაეხმარა.
”თუმცა სუბსიდია უკვე უაზრობაა, რადგან ნაცვლად იმისა, რომ ბიზნესმა ფული ბიუჯეტში შეიტანოს, ბიუჯეტმა იქით უნდა შეინახოს. ეს საგანგაშო იმიტომაც არის, რომ ეს სექტორი გახდა წამგებიანი, ფაქტობრივად დაიწყება მასობრივი გაყიდვა. თუ სექტორი გახდა წამგებიანი, არც ერთი ევროპული კომპანია მას არ იყიდის, რადგან დაბალი ტარიფებისა და არარენტაბელურობის პირობებში ის არ იქნება მიმზიდველი, ერთადერთი, ვინც შეიძლება გახდეს მყიდველი, იქნება რუსეთი. და ნუ გაგიკვირდებათ, თუ გაზის სისტემა თბილისში და არა მარტო თბილისში და ელექტროგამანაწილებელი თუ მაგენერირებელი სისტემა საქართველოში, ისევე როგორც სომხეთში, მთლიანად აღმოჩნდეს რუსეთის ხელში. ანუ ამ თემას აქვა არა მარტო ეკონომიკური, არამედ პოლიტიკური კონტექსტიც”, - განაცხადა გოცირიძემ.
