24-25 აპრილს ლონდონში, მეწარმეობის განვითარების სააგენტოს ორგანიზებით და ბრიტანულ-ქართული სავაჭრო პალატის, ასევე საქართველოს საელჩოს დიდი ბრიტანეთსა და ჩრდილოეთ ირლანდიის გაერთიანებულ სამეფოში ხელშეწყობით, ქართული პროდუქციის ორდღიანი გამოფენა მიმდინარეობს.
24 აპრილს 10:00–18:00 საათამდე საქართველოს საელჩოში, ქართველი მწარმოებლების მინი ექსპო გაიმართა. Taste Georgia (დააგემოვნე ქართული) ღონისძიებაში მონაწილეობენ წვენების, მინერალური წყლის, წყაროს წყლის, თაფლის და თხილის, ასევე კვების მრეწველობაში მოღვაწე სხვა კომპანიების წარმომადგენლები. საქართველოს საელჩოში, ქართულ სტენდს ეწვივნენ კვების მრეწველობაში მოღვაწე ბლოგერები და მყიდველები, რომელთაც პროდუქცია წარუდგინეს მეწარმეობის განვითარების სააგენტოს დირექტორმა გიორგი ციკოლიამ, დიდ ბრიტანეთში საქართველოს ელჩმა რევაზ გაჩეჩილაძემ და ბრიტანულ-ქართული სავაჭრო პალატის ხელმძვანელმა მაკო აბაშიძემ.
25 აპრილს დილის 10 საათიდან საღამომდე Duke of York-ის მოედანზეშაბათის ბაზრობა და Taste Georgia (დააგემოვნე ქართული) გაიმართება, რომლის ფარგლებშიც მოეწყობა ქართული მწარმოებლების პროდუქციის გამოფენა გაყივდვა, ამასთანავე Duke of York-ის მოედანზეშეკრებილ ლონდონის მკვიდრთ ადგილობრივი ქართული რესტორინი გაუმასპინძლდება ტრადიციული კერძებითა და თონეში გამომცხვარი „დედის პურით“ .
ვიზიტის ფარგლებში ქართული დელეგაციის წევრებს დაგეგმილი აქვთ შეხვედრები როგორც სამთავრობო ისე კერძო სექტორის წარმომადგენლებთან.
აღსანიშნავია, რომ ბრიტანეთსა და სხვა ქვეყნებში მსგავსი ღონისძიებების გამართვის ძირითად მიზანს წარმოადგენს თითოეული მონაწილე კომპანიის საექსპორტო პოტენციალის წარმოჩენა. გამოფენები იძლევა უნიკალურ შესაძლებლობას დამყარდეს კონტაქტი ადგილობრივ მყიდველებთან და მოხდეს ქართული პროდუქციის მაშტაბური პოპულარიზაცია.
