ფიზიკური პირების მიერ საფოსტო გზავნილით მიღებული საქონელი, რომლის ღირებულებაც 500 ლარს არ აღემატება შესაძლოა იმპორტის გადასახადისგან გათავისუფლდეს. ”საგადასახადო კოდექსში” შესატანი ცვლილებები პარლამენტში უკვე ინიცირებულია და მისი საკომიტეტო განხილვა იწყება. კანონპროექტის ავტორები კი ”ერთიანი ნაციონალური მოძრაობის” წევრები მიხელ მაჭავარიანი და გიორგი წერეთელი არიან. მოიწონებს და დაამტკიცებს თუ არა უმრავლესობა ოპოზიციონერი დეპუტატების ინიციატივას ჯერ გაურკვეველია, თუმცა აღნიშნული სიახლე ფიზიკური პირებისათვის საკმაოდ სასიამოვნო სიახლე იქნება.
როგორც კანონპროექტის განმარტებით ბარათშია აღნიშნული, მისი მიზანია არსებულის საგადასახადო შეღავათის 300 ლარიანი ლიმიტის იმ ოდენობამდე გაზრდა (500 ლარამდე), რაც ვალუტის კურსის გაუფასურებამდე უცხოურ ვალუტაში (აშშ დოლარებში) იყო გამოსახული.
კანონპროეტქის მიზეზს წარმოადგენს იმ ფიზიკური პირებისათვის ხელის შეწყობა რომლებსაც იგივე ფასის და ოდენობის საქონლის გამოწერის შემთხვევაში კურსთა სხვაობის გამო საფოსტო გზავნილებით მიღებულ საქონელზე უწევთ განბაჟება, ასევე ფიზიკურ პირთა მიერ უძრავი ქონების გაქირავებით მიღებული შემოსავლების დაბეგვრის გამარტივებას - განაკვეთის შემცირების გზით. აღნიშნული კანონპროექტის მიღება საინვესტიციო გარემოს გაუმჯობესების წინაპირობაა, რადგან ფიზიკურ პირებს საშუალება ეძლევათ დაუბეგრავი თანხები მიმართონ ეკონომიკის სხვადასხვა სფეროებში.
როგორც ირკვევა ფიზიკური პირებისათვის საფოსტო გზავნილებზე
იმპორტის გადასახადის 300 ლარიანი ლიმიტის 500 ლარამდე ზრდას მისი გავლენა ბიუჯეტის საშემოსავლო ნაწილზე ნეიტრალურია, რადგან მხოლოდ იმ ოდენობამდე იზრდება რაც საკურსო სხვაობამ გამოიწვია, ასევე აღნიშნული ფაქტიდან გამომდინარე შემოსავლების წინასწარ ბიუჯეტში გათვალისწინება როგორც წესი არ ხდება.
აღსანიშნავია ისიც, რომ კანონპროექტი ითვალისწინებს ასევე, ასევე ფიზიკური პირის მიერ უძრავი ქონების გაქირავების 5% საშემოსავლო გადასახადით დაბეგვრა ნაცვლად არსებული 20%.
