მთავრობა დუშეთში ისტორიული ქუჩების ურბანულ რეგენერაციას გეგმავს. როგორც პრემიერ-მინისტრმა გუდაურში პროგრამის „ძლიერი რეგიონი - ძლიერი საქართველოსთვის” წარდგენისას განაცხადა, დაგეგმილია ასევე დუშეთის პარკისა და სახელოსნო ბაზრობის მშენებლობა, ანანურის ციხის კონსერვაცია, პარკირების ზონის გაფართოება და სხვა.
”თიანეთში უნდა მოხდეს სიონის ტბის ინფრასტრუქტურის გაუმჯობესება. ხევსურეთში, მოგეხსენებათ, დავიწყეთ მუცოს სრულიად უნიკალური ციხე-ქალაქის აღდგენითი სამუშაოები, ვაპირებთ აგრეთვე შატილის კონსერვაციასა და სოფლის სახლების რეაბილიტაციას. ეს ხელს შეუწყობს ამ ულამაზეს მხარეში ტურისტების ნაკადის გაზრდას”, აღნიშნა პრემიერ-მინისტრმა.
