2015 წლის იანვარ-მარტში მესტიის თამარ მეფის სახელობის აეროპორტი 157 %-ით მეტ მგზავრს მოემსახურა. სამოქალაქო ავიაციის სააგენტოს ინფორმაციით, 2015 წლის სამ თვეში მესტიის თამარ მეფის სახელობის აეროპორტი 544 მგზავრს მოემსახურა. გასული წლის ანალოგიურ პერიოდში კი 212 მგზავრს. შესაბამისად ზრდამ 156,60%-ი შეადგინა. სტატისტიკური ინფორმაციითვე, 2015 წლის პირველ კვარტალში აეროპორტმა 2013 წლის პირველ კვარტალთან შედარებით 244 %-ით მეტი მგზავრის გატარება შეძლო.
