საქართველოს აეროპორტების გარეთიანება საქართველოს ბაზრით დაინტერესებაზე EasyJet-თან, Ryanair-თან და Air berlin-თან მართავს მოლაპარაკებებს. მხარეებს შორის კონსულტაცია „Routes Europe 2015“-ის ფარგლებში გაიმართა, სადაც საქართველოც იყო წარმოდგენილი. აეროპორტების გაერთიანების ინფორმაციით, ავიამიმართულებების განვითარების ფორუმზე „Routes Europe 2015“, საქართველოს აეროპორტების გაერთიანება საკუთარი სტენდით იყო წარმოდგენილი. ფორუმს შოტლანდიის ქალაქმა, ებერდინმა უმასპინძლა, სადაც 1200-ზე მეტმა დელეგატმა მიიღო მონაწილეობა. საქართველოს აეროპორტების გაერთიანებამ ყოველდღიურ რეჟიმში აწარმოა პირისპირ მოლაპარაკებები სხვადასხვა აეროპორტებისა და ავიაკომპანიების წარმომადგენლებთან, ისეთი როგორიცაა Ryanair-ი, EasyJet-ი, Air berlin-ი და სხვა. მოლაპარაკებათა მიზანი ქართულ ავიაბაზარზე ახალი ავიამიმართულებების დამატება და არსებული რეისების გაფართოება იყო. პირისპირ შეხვედრების გარდა, გაიმართა სხვა ღონისძიებები, რომელიც საზღვარგარეთ საქართველოს პოპულარიზაციას ისახავდა მიზნად. საქართველოს აეროპორტების გაერთიანებამ ფორუმზე ტრადიციული ქართული პროდუქტები წარადგინა. აღსანიშნავია, რომ ფორუმში მონაწილე ავიაკომპანიებისა და აეროპორტების წარმომადგენლებმა განსაკუთრებული ინტერესი და მოწონება გამოიჩინეს ქართული ღვინის მიმართ.
