მთავრობამ ხიზილალის მწარმოებელი საწარმოების შიდა რეესტრის წარმოების წესი დაამტკიცა. როგორც საქართველოს გარემოსა და ბუნებრივი რესურსების დაცვის მინისტრის №197 ბრძანებაშია აღნიშნული, ხიზილალის მწარმოებელი საწარმოების შიდა რეესტრი არის საქართველოში ხიზილალის მწარმოებლი საწარმოების შესახებ მონაცემების სისტემური ერთობლიობა, რომლის მიზანია ხიზილალის მწარმოებელი საწარმოების შესახებ მონაცემთა სრული და ერთიანი ბაზის შექმნა. თავად რეესტრი გარემოსა და ბუნებრივი რესუსების დაცვის სამინისტროს ბიომრავალფეროვნების დაცვის სამსახურმა უნდა აწარმოს. რეესტრში რეგისტრაციისას ხიზილალის მწარმოებელ საწარმოს ენიჭება ინდივიდუალური კოდი და მასში დარეგისტრირებული საწარმო ვალდებულია, საწარმოს სარეგისტრაციო მონაცემების ცვლილების შემთხვევაში დაუყოვნებლივ აცნობოს სამინისტროს განხორციელებული ცვლილების შესახებ.
უკვე დამტკიცებული წესის მიხედვით,რეესტრში შეიტანება „გადაშენების საფრთხის წინაშე მყოფი ველური ფლორისა და ფაუნის სახეობებით საერთაშორისო ვაჭრობის შესახებ“ კონვენციის (CITES) დანართებში შეტანილი სახეობების, მათი ნაწილებისა და დერივატების ექსპორტის, იმპორტის, რეექსპორტისა და ზღვიდან ინტროდუქციის ნებართვის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2007 წლის 6 თებერვლის N18 დადგენილებით დამტკიცებული დებულების მე-51 მუხლის მე-2 პუნქტით განსაზღვრული დოკუმენტაციის სამინისტროში სრულყოფილად წარდგენიდან 15 სამუშაო დღის ვადაში.
