თვითმფრინავებისა და ფრინველების შეჯახება ავიაცისათვის საკმაოდ სახიფათოა და ის ხშირად ფატალურად მთავრდება. მხოლოდ აშშ-თვის აღნიშნული პრობლემის მიერ მიყენებული ზიანი წელიწადში 700 მლნ დოლარს აღწევს.
პრობლემის მოგვარება თვითმფრინავებზე სპეციალური განათების საშუალებების დამონტაჟებით თუ მოხერხდება, რომელიც დააფრთხობს ფრინველებს და შეჯახების ალბათობაც მინიმუმამდე იქნება დაყვანილი, მიიჩნევენ სანდასკის ველური ბუნების კვლევით ცენტრში. მეცნიერებმა შეიმუშავეს სქემა, თუ როგორ უნდა მოხდეს ფრინველის საფრთხისაგან გარიდება. მათი განმარტებით, ფრინველებს შორ მანძილზე ფერებისა და ულტრაიისფერი სხივების აღქმის უნარი აქვთ. მეცნიერებმა სათანადო კვლევები და ცდები უკვე ჩაატარეს.
