S7 Airlines-ი ბათუმისა და ქუთაისის მიმართულებით ავიარეისების განხორციელებას იწყებს. ავიაკომპანია S7 Airlines-მა რუსეთისა და საქართველოს მთავრობებისგან უკვე მიღო შესაბამისი ნებართვა და მოსკოვიდან ბათუმისა და ქუთაისი მიმართულებით ფრენას იწყებს.
როგორც S7 Airlines-ის პრესსამსახურში აცხადებენ, ავიარეისების განხორციელება გაზაფხულიდან დაიწყება და ავიაკომპანია მგზავრებს მოსკოვიდან ბათუმისა და ქუთაისის მიმართულებით გადაიყვანს.
უკვე ცნობილია, რომ ავიაკომპანია ავიარეისების განხორციელებას მოსკოვი-ქუთაისი-მოსკოვის მიმართულებით 31 მაისიდან შეუდგება. რეისების კვირაში ერთჯერ, კვირაობით განხორციელდება. S7 Airlines-ის რეისი მოსკოვი-ქუთაისი დომოდედოვოს აეროპორტიდან 07:45 საათზე (რუსეთის დროით) განხორციელდება და მგზავრები ქუთაისში უკვე 11:20 საათზე (საქართველოს დროით) იქნებიან. რაც შეეხება ქუთაისი-მოსკოვის რეისს, ის ქუთაისის დავით აღმაშენებლის სახელობის აეროპორტიდან 12:10 საათზე განხორციელდება და მგზავრებს მოსკოვში 14:00 საათზე ჩაიყვანს.
რაც შეეხება რეისს მოსკოვი-ბათუმი, მისის განხორციელება 25 აპრილიდან დაიწყება. რეისი მოსკოვი-ბათუმი კვირაში ორჯერ: ოთხშაბათობით და შაბათობით, მოსკოვის, დომოდედოვოს აეროპორტიდან 08:30 საათზე განხორციელდება და ბათუმში მგზავრებს 12:15 საათზე ჩამოიყვანს.
რეისი ბათუმი-მოსკოვი, ბათუმიდან 13:05 საათზე განხორციელდება და მოსკოვში მგზავრები უკვე 14:50 საათზე იქნებიან.
აღსანიშნავია, რომ ავიაკომპანია S7 Airlines-ის მგზავრებს მოსკოვიდან თბილისის მიმართულებით ყოველდღიურ რეისებსაც სთავაზობს.
S7 Airlines-ი ერთადერთი რუსული ავიაკომპანიაა, რომელიც რუსეთიდან საქართველოში 3 მიმართულებაზე იფრენს.
