ავიაკომპანია ”ურალის ავიახაზები” ეკატერინბურგიდან თბილისის მიმართულებით რეგულარული რეისების განხორციელებას გეგმავს. კომპანიის ინფორმაციით, ეკატერინბურგი-თბილისი-ეკატერინბურგის მიმართულებით პირდაპირი ავიარეისები კვირაში ერთჯერ, ორშაბათობით განხორციელდება. თუმცა როდიდან გეგმავს ავიაკომპანია პირდაპირი, რეგულარული რეისების დაწყებას არ კონკრეტდება.
საქართველოს სამოქალაქო ავიაციის ადმინისტრაციაში განმარტავენ, რომ ამ დროისათვის ”ურალის ავიახაზებს” ეკატერინბურგიდან თბილისის მიმართულებით რეგულარული რეისების განხორციელებაზე განაცხადი არ შეუტანია.
აღსანიშნავია, რომ ”ურალის ავიახაზები” ეკარერინბურგიდან თბილისის მიმართულებით რეისებს დღესაც ასრულებს, თუმცა ეს ჩარტერული რეისებია. ”ურალის ავიახაზები” მოსკოვიდან რეისებს ასრულებს ასევე ქუთაისის მიმართულებითაც.
