ესტონეთის პრემიერ-მინისტრი რუსეთს საერთაშორისო ნორმების დარღვევაში ადანაშაულებს, რის მაგალითადაც უკრაინა და საქართველო მოჰყავს. საგანგებო განცხადება ტაავი რეივასმა ფინელ კოლეგა ალექსანდრ სტუბთან შეხვედრის შემდეგ გამართულ პრესკონფერენციაზე გააკეთა. "2008 წელს საქართველოში, ამჟამად კი უკრაინაში განვითარებული მოვლენები ადასტურებს, რომ საერთაშორისო მდგომარეობა შეიცვალა. ჩვენი დიდი მეზობელი რუსეთი საერთაშორისო ნორმებს არ ემორჩილება. ეს იმას არ ნიშნავს, რომ რუსეთისგან საფრთხე მის ყველა მეზობელს ემუქრება, თუმცა ესტონეთი ნებისმიერ გამოწვევაზე რეაგირებისთვის მზად უნდა იყოს,"-აღნიშნა რიივასმა.
