კატალონიური ბარსელონასა და ბრაზილიის ეროვნული ნაკრების ფორვარდს, ნეიმარს ექიმი ჰერბერტ კრამერი უჩივის, რომელმაც ფეხბურთელის ცოლი ამშობიარა. გინეკოლოგი ფეხბურთელისგან 13 ათასი ევროს გადახდას მოითხოვს. კრამერის თქმით, მშობიარობის მისაღებად მას საკუთარი გეგმების შეცვლა მოუხდა. გარდა ამისა, ნეიმარის ცოლის მშობიარობას დამატებითი მომსახურებები დასჭირდა, რის გამოც ექიმმა ასისტენტები დაიქირავა, ხარჯები კი დღემდე აუნაზღაურებელია. ნეიმარი მამა 19 წლის ასაკში, 2011 წლის აგვისტოში გახდა. მისი მეუღლე კი მშობიარობისას 17 წლის იყო.
