არგენტინელ ფორვარდს ლეონელ მესის შესაძლოა მის უშუალო კონკურენტ, პორტუგალიელ რონალდუსთან ერთ გუნდში თამაშის შესაძლებლობა მიეცეს. ისინი სავარაუდოდ ყველა ვარსკვლავის მატჩში მიიღებენ მონაწილეობას, რომელიც უეფას ორგანიზატორობით გაიმართება. უეფას გადაწყვეტილებით, ჩრდილოეთ ევროპის ნაკრები შეხვედრას სამხრეთ ევროპელებთან გამართავს. ანალოგიური შეხვედრების ჩატარების გამოცდილება NBA-ს და ჰოკეის ნაციონალურ ლიგას აქვს. ჩღდილოეთ ევროპის შემადგენლობაში ინგლისის პრემიერ-ლიგის, ბუნდესლიგისა და რუსეთის უმაღლესი ლიგის, სამხრეთ ევროპის ნაკრების შემადგენლობაში კი ესპანეთის, იტალიის, საფრანგეთისა და პორტუგალიის პრიმერა დივიზიონის ფეხბურთელები მოხვდებიან.