ავღანეთის არმია ქვეყნის ჩრდილო-აღმოსავლეთ რეგიონებში მასშტაბური სამხედრო ოპერაციის ჩასატარებლად ემზადება. ბადახშანის პროვინციაზე შტურმის მიტანა მას შემდეგ გადაწყდა, რაც თალიბები თავს ადგილობრივ ბლოკ-საგუშაგოს დაესხნენ. თავდასხმას 18 ავღანელი სამხედრო ემსხვერპლა, რამდენიმე კი მძიმედ დაიჭრა. დაუზუსტებელი ინფორმაციით, რამდენიმე თავდამსხმელს ხელში "ისლამური სახელმწიფოს" დროშები ეჭირა.