რუსი მულტიმილიარდერი რომან აბრამოვიჩი, რომელიც Forbes-ის რეიტინგში 58-ე პოზიციაზეა, ამიერიდან ისრაელში უფრო მეტ დროს გაატარებს, წერს ისრაელური ბიზნესგამოცემა Globes -ი. გამოცემის ინფორმაციით, მილიარდელმა ისრაელის სახელმწიფოში პირველი შენაძენი გააკეთა და ამიერიდან მის კუთვნილებას წარმოადგენს თელ-ავივში განთავსებული სასტუმრო ”ვარსანო”.
სასტუმრო ”ვარსანო” ძმების გაი და იაპონ ვარსანოს კუთვნილება იყო, თუმცა ამიერიდან ის აბრამოვიჩის საკუთრებაშია.
რომან აბრამოვიჩმა, რომლის ქონებაც 12 მლრდ დოლარია, სასტუმროში 100 მლნ შკელი, ანუ დაახლოებით 25 მლნ დოლარი გადაიხადა.
გამოცემა არ გამორიცხავს, რომ სასტუმრო სამომავლოდ შესაძლოა აბრამოვიჩის სახლიც გახდეს ისრაელში.
