15 მარტიდან საქართველოს რეგიონებში „აწარმოე საქართველოში პროგრამის ფარგლებში“ დაწყებულია მიკრო და მცირე მეწარმეობის ხელშეწყობის პროექტის განხორციელება, რომელიც ადგილობრივ მოსახლეობას ხელს უწყობს საკუთარი საქმის წამოწყებაში და დადებით გავლენას ახდენს რეგიონის განვითარებაზე.

პროგრამის ბიზნეს უნარების ამაღლების კომპონენტის ფარგლებში, მეწარმეობის განვითარების სააგენტოს ინიციატივით ხორციელდება თანამშრომლობა ეკონომიკის სხვადასხვა დარგებში მოღვაწე წამყვან კომპანიებთან. თანამშრომლობის შედეგად სააგენტოს მიზანია:

• უზრუნველყოფილ იქნას პროგრამის ბენეფიციარების ხელმისაწვდომობა წამყვანი კომპანიების ცოდნასა და გამოცდილებაზე
• ბენეფიციარებს ქონდეთ წვდომა თანამედროვე ტექნოლოგიებზე
• პროექტში ჩართულმა მეწარმეებმა განივითარონ ბიზნესის კეთების პრაქტიკული უნარები

ახალი ინიციატივის ფარგლებში 2015 წლის 14 აპრილს, 11 საათზე მეწარმეობის განვითარების სააგენტოსა და კომპანია თეგეტა მოტორსს შორის ურთიერთთანამშრომლობის მემორანდუმი გაფორმდება. დოკუმენტს ხელს სააგენტოს დირექტორი გიორგი ციკოლია და თეგეტა მოტორსის გენერალური დირექტორი თემურ კოხოძე მოაწერს. ხელმოწერა შედგება თეგეტა მოტორსის სათაო ოფისში (მისამართი დ. აღმაშენებლის ხეივანი, მე-12 კილომეტრი #5)

მემორანდუმის ფარგლებში, თეგეტა მოტორსი მიკრო და მცირე მეწარმეობის კონკურსის გამარჯვებულ ბენეფიციარებს, რომელთა ბიზნეს გეგმა დაკავშირებული იქნება კომპანიის საქმიანობის სფეროსთან (ავტო/ტექ მომსახურებასთან) ტექნიკურ–საკონსულტაციო დახმარებას გაუწევს. აღნიშნული თანამშრომლობა ხელს შეუწყობს სახელმწიფო პროგრამის ბენეფციარების კვალიფიკაციის ამაღლებასა და მათ პროფესიონალურ ზრდას.

მემორანდუმის ფარგლებში კომპანია თეგეტა მოტორსი მიკრო და მცირე მეწარმეობის ხელშეწყობის პროექტის ფარგლებში უზრუნველყოფს გამოცდილებისა და ცოდნის გაზიარებას სხვადასხვა მიმართულებით მათ შორის აპარატურის შერჩევა და მონტაჟი, ბაზის მოწყობა, ადგილზე მომსახურების განხორციელება, საგარანტიო მომსახურება, მცირე მაღაზიის გახსნის მიზანშეწონილობა და სხვა.

აღსანიშნავია, რომ მიკრო და მცირე მეწარმეობის ხელშეწყობის პროგრამა ხორციელდება საქარველოს პრემიერ მინისტრის მიერ ინიცირებული სახელმწიფო პროგრამის  „აწარმოე საქართველოში“  ფარგლებში და მიზნად ისახავს საქართველოს რეგიონებში მიკრო და მცირე ბიზნესის განვითარებას მეწარმეების დაფინანსებისა და ცოდნის ამაღლების გზით. პროგრამის ფარგლებში საქართველოს მაშტაბით დაინტერესებულ პირებს შესაძლებლობა ეძლევათ მოიპოვონ თანადაფინანსება იდეის განსახორციელებლად (5,000 ლარამდე 1 მეწარმე, 10,000 ლარამდე 2 მეწარმე, 15,000 ლარამდე 3 მეწარმე).

სამცხე ჯავახეთაში, ქვემო ქართლში, იმერეთში, რაჭა-ლეჩხუმში და ქვემო სვანეთში

მიკრო და მცირე მეწარმეობის ხელშეწყობის პროგრამის განხორციელება 2015 წლის 15 მარტიდან დაიწყო. ამჯამად მიმდინარეობს ბიზნეს იდეების კონკურსი. განაცხადების მიღება www.qartuli.ge ვებ გვერდის მეშვეობით 2015 წლის 5 მაისამდე გაგრძელდება.